ಹೊಸ ಹೊಸ ಕೋರ್ಸ್‌ಗಳು ಹುಟ್ಟಿಕೊಳ್ಳುತ್ತಿದ್ದಂತೆ ಅದಕ್ಕೆ ತಕ್ಕಂತೆ ಉದ್ಯೋಗ ಮಾರುಕಟ್ಟೆನೂ ವಿಸ್ತಾರಗೊಳ್ಳುತ್ತಿದೆ. ಪೈಪೋಟಿಯುಕ್ತ ಉದ್ಯೋಗ ಮಾರುಕಟ್ಟೆಯ ಲೆಕ್ಕಚಾರದಲ್ಲಿ ಬಯೋಟೆಕ್ನಾಲಜಿ ನಿಜಕ್ಕೂ ಹೇಳಿಮಾಡಿಸಿದಂತಿದೆ. ಈ ಕೋರ್ಸ್ ಸಂಶೋಧನೆ ಆಧಾರಿತ ವಿeನವಾಗಿದ್ದು, ಜೀವಶಾಸ್ತ್ರ ಮತ್ತು ತಂತ್ರeನದ ಸಮ್ಮಿಶ್ರ ರೂಪ. ಈ ಕೋರ್ಸ್ ಪಶುಸಂಗೋಪನೆ, ಲಸಿಕೆ ಮತ್ತು ಔಷಧಗಳ ಅಭಿವೃದ್ಧಿ, ಕೃಷಿ, ಮಾಲಿನ್ಯ ನಿಯಂತ್ರಣ, ಇಂಧನ ಉತ್ಪಾದನೆ ಮತ್ತು ಸಂರಕ್ಷಣೆ, ದೀರ್ಘಕಾಲದ ಕಾಯಿಲೆಗಳನ್ನು ಗುಣಪಡಿಸುವುದು ಸೇರಿದಂತೆ ಹಲವಾರು ವಿಷಯಗಳನ್ನು ಒಳಗೊಂಡಿರುತ್ತದೆ. ಕೀಟನಾಶಕ, ರಸಗೊಬ್ಬರ ಮತ್ತು ಗುಣಮಟ್ಟ , ಬೀಜಗಳ ಅಭಿವೃದ್ಧಿಯಲ್ಲೂ ಮಹತ್ತರ ಪಾತ್ರ ವಹಿಸುವ ಬಯೋಟೆಕ್ನಾಲಜಿ ಹಲವಾರು ಉದ್ಯೋಗಾವಕಾಶಗಳನ್ನು ಸೃಷ್ಟಿಸಿದೆ. ಭಾರತ ಮಾತ್ರವಲ್ಲದೆ ವಿದೇಶಗಳಲ್ಲೂ ಬಯೋಟೆಕ್ನಾಲಜಿಸ್ಟ್‌ಗಳಿಗೆ ಅಪಾರ ಬೇಡಿಕೆ ಇದ್ದೇ ಇದೆ.
ಮಾನವ ಸಂಪನ್ಮೂಲ ಸಚಿವಾಲಯದ ವರದಿ ಪ್ರಕಾರ ಹೆಚ್ಚಿನ ಕೌಶಲ ಹೊಂದಿರುವ ೧೦ ಸಾವಿರಕ್ಕೂ ಹೆಚ್ಚು ಬಯೋಟೆಕ್ನಾಲಜಿಸ್ಟ್‌ಗಳ ಅಗತ್ಯ ಭಾರತಕ್ಕಿದೆ. ಈ ಕೋರ್ಸ್‌ನಲ್ಲಿ ಜೀನ್ ಥೆರಪಿ, ಟಿಶ್ಯೂ ಕಲ್ಚರ್, ಇಮ್ಯೂನೊ ಟೆಕ್ನಾಲಜೀಸ್, ಜೆನೆಟಿಕ್ ಎಂಜಿನಿಯರಿಂಗ್, ಪ್ಲಾಂಟ ಬೇಸ್ಡ್ ಡ್ರಗ್ಸ್, ರೇಷನಲ ಡ್ರಗ್ ಡಿಸೈನ್, ಸ್ಟೆಮ ಸೆಲ ಟೆಕ್ನಿಕ್ಸ್, ನ್ಯೂ ಡಿಎನ್‌ಎ ಟೆಕ್ನಾಲಜೀಸ್, ಫೋಟೊ ಸಿಂಥೆಟಿಕ್ ಎಫಿಸಿಯೆನ್ಸಿ, ಎಂಜೈಮ ಎಂಜಿನಿಯರಿಂಗ್ ಅಂಡ್ ಟೆಕ್ನಾಲಜಿ ವಿಷಯಗಳಲ್ಲಿ ಬೇಡಿಕೆ ಹೆಚ್ಚಾಗುತ್ತಿದೆ. ಈ ಕೋರ್ಸ್‌ನಲ್ಲಿ ಜೆನೆಟಿಕ್ಸ್, ವಿರಾಲಜಿ, ಎಕಾಲಜಿ, ಇಮ್ಯೂನಾಲಜಿ, ಬಯೋಫಿಸಿಕ್ಸ್, ಬಯೋ -ಸ್ಯಾಟಿಸ್ಟಿಕ್ಸ್, ಫಿಶರೀಸ್, ಬಯೋಕೆಮಿಸ್ಟ್ರಿ, ಫಾರ್ಮಾಕಾಲಜಿ, ಮೈಕ್ರೊಬಯಾಲಜಿ, ಮಾಲಿಕ್ಯೂಲರ್ ಬಯಾಲಜಿ, ಅನಿಮಲ ಹಸ್ಬೆಂಡರಿ ವಿಷಯಗಳಲ್ಲಿ ಸ್ಪೆಷಲೈಝೇಷನ್ ಮಾಡಬಹುದು.
ಉದ್ಯೋಗಾವಕಾಶದ ಹಾದಿ:
ಬಯೋಟೆಕ್ನಾಲಜಿ ಎಂಜಿನಿಯರಿಂಗ್ ಕ್ಷೇತ್ರದಲ್ಲಿ ಸಿಕ್ಕಾಪಟ್ಟೆ ವೃತ್ತಿ ಅವಕಾಶಗಳಿವೆ. ಪದವೀಧರರು ಕೆಮಿಕಲ ಮತ್ತು ಟೆಕ್ಸ್ಟ್‌ಟೈಲ ಇಂಡಸ್ಟ್ರೀಸ್, ಕೃಷಿ ವಲಯ, ಫಾರ್ಮಸ್ಯುಟಿಕಲ ಸಂಸ್ಥೆಗಳು ಮತ್ತು ಮ್ಯಾನುಫ್ಯಾಕ್ಚರಿಂಗ್ ಇಂಡಸ್ಟ್ರಿಯಲ್ಲಿ ಉದ್ಯೋಗಾವಕಾಶವನ್ನು ಪಡೆಯಬಹುದಾಗಿದೆ. ಈ ಕ್ಷೇತ್ರದಲ್ಲಿನ ವೃತ್ತಿಪರರು ಕಾಲೇಜು ಮತ್ತು ವಿಶ್ವವಿದ್ಯಾಲಯಗಳಲ್ಲಿ ಟೀಚಿಂಗ್ ಜಬ ಆಯ್ಕೆ ಮಾಡಿಕೊಳ್ಳಬಹುದು. ಸರಕಾರ ಅಥವಾ ಖಾಸಗಿ ಸಂಸ್ಥೆಗಳು ನಡೆಸುವ ಸಂಶೋಧನಾ ಪ್ರಯೋಗಾಲಯಗಳು, ಆಹಾರ ಸಂಸ್ಕರಣೆ, ಕೃಷಿ ಆಧಾರಿತ ಉದ್ದಿಮೆಗಳು, ಫಾರ್ಮಸ್ಯುಟಿಕಲ ಫಾರ್ಮ್ಸ್ ಮತ್ತು ಕೃಷಿಯಲ್ಲೂ ಉದ್ಯೋಗಾವಕಾಶ ಕಂಡುಕೊಳ್ಳಬಹುದಾಗಿದೆ.
ಮಾಧ್ಯಮ ಸಂಸ್ಥೆಗಳಲ್ಲೂ ವಿeನ ಲೇಖಕರಾಗಿಯೂ ಬಯೋಟೆಕ್ನಾಲಜಿಸ್ಟ್‌ಗಳು ಭವಿಷ್ಯವನ್ನು ಅರಸಿಕೊಳ್ಳಬಹುದಾಗಿದೆ. ಮಾರಾಟ ಪ್ರತಿನಿಧಿ, ಗುಣಮಟ್ಟ ನಿಯಂತ್ರಣ ಅಧಿಕಾರಿಯಾಗಿಯೂ ಕೆಲಸ ಮಾಡಬಹುದು. ಅದರಲ್ಲೂ ಐಡಿಪಿಎಲ, ಥಾಪರ್ ಗ್ರೂಪ್, ಹಿಂದೂಸ್ತಾನ್ ಲೀವರ್ ಬಯೋಕಾನ್ ಇಂಡಿಯಾ ಲಿಮಿಟೆಡ್, ಹಿಂದೂಸ್ತಾನ್ ಆಂಟಿಬಯಾಟಿಕ್ಸ್ ಇಂಡೊ-ಅಮೆರಿಕನ್ ಹೈಬ್ರಿಡ್ ಸೀಡ್ಸ್ ಸಂಸ್ಥೆಗಳು ಬಯೋಟೆಕ್ನಾಲಜಿಸ್ಟ್‌ಗಳನ್ನು ಹೆಚ್ಚಿನ ಸಂಖ್ಯೆಯಲ್ಲಿ ನೇಮಕ ಮಾಡಿಕೊಳ್ಳುತ್ತವೆ. ಇದರ ಜತೆಯಲ್ಲಿ ವಿದೇಶಿ ಕಂಪನಿಗಳು ಕೂಡ ಇಂತಹ ಪದವಿದಾರರಿಗೆ ನಿರಂತರವಾಗಿ ಹುಡುಕಾಟ ಮಾಡುತ್ತಾ ಇರುತ್ತದೆ.
ಗ್ರಾಜುಯೇಟ ಟ್ರೇನಿಗಳು ಮಾಸಿಕ ೧೫ ಸಾವಿರದಿಂದ ೨೦ ಸಾವಿರದವರೆಗೆ ಆರಂಭಿಕ ವೇತನವನ್ನು ಪಡೆಯಬಹುದಾಗಿದೆ. ಖಾಸಗಿ ಕಾಲೇಜುಗಳಲ್ಲಿ ಕೆಲಸ ಮಾಡುವ ಪ್ರೊಫೆಷನಲ್ಸ್‌ಗೆ ತಮ್ಮ ಅನುಭವಕ್ಕೆ ಅನುಸಾರವಾಗಿ ಉತ್ತಮ ವೇತನ ಲಭ್ಯವಿದೆ. ಕಾರ್ಪೊರೆಟ ವಲಯಗಳಲ್ಲಿ ಕೆಲಸ ಮಾಡುವ ಐಐಟಿ ಪದವೀಧರು ವಾರ್ಷಿಕ ಕನಿಷ್ಠ ೩೦ ಸಾವಿರದಿಂದ ೮೫ ಸಾವಿರದವರೆಗೆ ವೇತನ ಪಡೆಯಬಹುದು. ಟೋಟಲಿ ಬಯೋಟೆಕ್ನಾಲಜಿಯಲ್ಲಂತೂ ಅವಕಾಶಗಳಿಗೆ ಕೊರತೆ ಇಲ್ಲ.
